👉 ኢትዮጵያ ውስጥ የዋጋ ግሽበቱ በ2.2 በመቶ ጭማሪ በማሳየት ባላፈው መጋቢት ከነበረበት 34.7 ከመቶ በሚያዝያ ወር ወደ 36.6 ከመቶ መግባቱን ሮይተርስ የኢትዮጵያ ማዕከላዊ የስታትስቲክስ ባለሥልጣንን ጠቅሶ ዘግቧል፡፡ ቪኦኤ ያነጋገራቸው በደሴና ወልዲያ አካባቢ የሚኖሩ አንዳንድ ነዋሪዎችም የኑሮ ውድነቱን መቋቋም እየከበዳቸው መሆኑን ገልጸዋል፡፡ በአዲስ አበባና ኦሮምያ የሚገኙ ሁለት የምጣኔ ሀብት ባለሙያዎች አቶ ስዩም ጫኔና አቶ ተሾመ ገመቹ መንግሥት የፖሊሲ ማሻሻያዎችን ማድረግ አለበት ይላሉ፡፡ ኢትዮጵያ ውስጥ ሁሉም ወገኖች ለሰላም ባልቆሙበት ሁኔታ የምጣኔ ሀብቱም ሆነ የኑሮ ወድነቱ ሊሻሻል እንደማይችልም ባለሙያዎቹ ተናግረዋል፡፡ /መሉ ዘገባውን ከተያያዘው ፋይል ይከታተሉ/ | VOA Amharic

ዛሬ በጋቢና ቪኦኤ፦ •በፌዴራሉ እና በትግራይ ክልል ሃይሎች መካከል የተፈጠረውን ግጭት ተከትሎ የሁለቱ ወገን ባለስልጣናት የተለያዩ መግለጫዎችን ሲሰጡ ውለዋል። ስለመግለጫዎቹ እና በትግራይ ክልል ውስጥ ስላለው ወቅታዊ ሁኔታ አጭር ዘገባ ይኖረናል። • ከኢትዮጵያ ውጪ የሚኖሩ ኢትዮጵያውያን ይህን ህልማቸውን እንዲያሳኩ መረጃ ከመስጠት አንስቶ በቴክኖሎጂ ሙያ በማሰልጠንና ለስራ ብቁ ሆነው እንዲገኙ በማድረግ ትልቅ ድጋፍ ከሚሰጡ ተቋማት መሃል በአሜሪካን አገር ሜሪላንድ ውስጥ የሚገኘው ዱና ቴክየስልጠና ማዕከል አንዱ ነው። የተቋሙ የጋራ መስራች ከሆነው ቴዎድሮስ መኮንን አብሮን ያመሻል። •በባህርዳር ከተማ የሚኖረው ማሩ ጌጡ የአከባቢውን ማህበረሰብ የንባብ ባህል ለማዳበር የሚጥር ወጣት ነው።ከዛፍ ጥላ ስር ባቋቋመው ቤተመጽሃፍት አማካኝነት በርካታ ሰዎች መጽሃፍትን እንዲያነቡ እንዲዋሱ ያደርጋ

በኦሮምያ ክልል ምዕራብ ወለጋ ዞን ጊምቢና ቄለም ወለጋ ዞን ደምቢ ዶሎ ከተሞች ውስጥ በመንግሥት ኃይሎችና የመንግሥት ባለሥልጣናት "ሸኔ" በሚሏቸው፣ እራሳቸውን “የኦሮሞ ነፃነት ጦር” እያሉ በሚጠሩት ታጣቂዎች መካከል ዛሬ የተኩስ ልውውጥ መካሄዱን ቪኦኤ ያነጋገራቸው የከተሞቹ ነዋሪዎች ተናግረዋል። ጋምቤላ ከተማ ውስጥም ከማለዳ ጀምሮ እስከ ረፋድ የቆየ የተኩስ ድምፅ መሰማቱን ነዋሪዎች ገልፀዋል። የጋምቤላ ክልል ኮምዩኒኬሽንስ ፅህፈት ቤት ዛሬ በማኅበራዊ መገናኛ ገፁ ላይ ባሠፈረው ፅሁፍ "በጋምቤላ ከተማ ተኩስ ከፍተው በነበሩ የሸኔና የጋምቤላ ነፃነት ግንባር ላይ እርምጃ ተወስዷል" ሲል ብሏል። የኦሮምያ ክልል ባለሥልጣናት ደግሞ ጊምቢና ደምቢ ዶሎ ውስጥ ተፈጥረዋል ስለተባሉት ሁኔታዎች መረጃ እንደሌላቸው አመልክተዋል። በሌላ በኩል ግን “የኦሮሞ ነፃነት ሠራዊት” እንደሆነ የሚናገረው ቡድ